政府建議喺明年立法會選舉，選票印埋候選人嘅相片，好多人拍手叫好，事關容易啲辨認候選人嘛。於是，立法會噚日傾今年七百條鄉村嘅選舉，葉國謙同鄧兆棠照辦煮碗，想話喺村選嘅選票登相片，不過就唔多順利。
民政事務總署助理署長陳美嘉話，政府都有諗過加相落選票，方便鄉村老人家，不過印彩色相要一百八十萬，實在太貴，超支搞唔掂；印黑白相就平啲，二十萬搞掂。議員聽到可以印相都叫好，點知陳美嘉話唔係好得，因為新界人比較迷信，黑白相好似車頭相，大忌。
八方不得不讚一讚民政署，咁佢都諗埋，而呢個理由重得到大部份議員接受，得番黃宏發堅持要印。
傳真︰2623-9278
電郵︰