八方昨日寫過台灣《壹週刊》兩位記者勇闖和平醫院，踢爆院內之混帳情況，激怒台北市政府，話要查辦云云，寫完之後都覺得好好笑。全個世界嘅官點解都咁蠢？
查辦兩記者，點查辦？第一，醫院非軍事基地，記者入去好平常，有病毒都係佢自己問題，你隔離醫院，佢唔出嚟都合理；第二，佢入去採訪，又唔係殺人放火，又冇阻住醫生救人；第三，你告佢，盞幫壹仔宣傳，拉佢坐監，佢咪日日寫監獄風雲！
最新消息傳來，台北市政府將兩位記者送去軍方楊梅弘武營區隔離，但軍方拒絕接收，交番醫院，目前由醫院警衞看管，醫院頭都大埋。警方就話未有指令接辦此案，總之大家踢皮球。最後，兩位記者被市府送咗去基河三期國宅隔離，下一期壹仔，可能有「我在基河的日子」嘅獨家報道了。
傳真︰2623-9278
電郵︰