「母親節最想收到甚麼禮物？」做這專題時問過無數次，得到的答案全部都大同小異，「無所謂啦，最緊要有心就得喇。」母親們最在乎的，始終是子女們的一份關心。那麼，在這個健康最緊要的非常時期，以滋補品作母親節禮物，那份關懷心意，母親們一定收到。
記者：馬慶武
攝影：黃子偉、陳偉強
Model：Kathy、蔡太
Kathy：「重未諗到今個母親節送咩呀，上年送護膚品，今年送補品都好，補一補，可以增強免疫力嘛。」
蔡太（家庭主婦）：「如果仔女送啲滋補品畀我，我梗係高興啦，因為覺得佢哋關心我嘅健康，最緊要係一份心意。」
要給媽媽補身，可以有好多方法，傳統一點當然係買燕窩、參茸海味，想方便即食的話，亦有即食冰糖燕窩、雞精等選擇，再唔係喺母親節當日帶媽咪去食即叫即燉嘅燕窩甜品，滋補之餘，都一定可以𠱁得媽咪開開心心。
燕窩珍珠丸特價$160
白鳳丸同珍珠丸有滋補養顏及調理身體嘅效用，傳統得嚟食用方式夠方便。
（東方紅）
東方紅為母親節而設嘅禮籃，當中有齊即食冰糖燕窩、冬蟲草雞精、海味套裝、花旗參茶沖劑及花旗參片，實行滋補品大集滙，而且以禮籃包裝，不加收費之餘，價錢比起散買重更平更抵。另外亦可特別要求加進不同種類的滋補品，當然價錢亦會有所不同。（東方紅）
日最矜貴最滋補嘅血燕盞，買滿半斤可享有優惠價$8,752（原價$8,940），雖然價錢唔平，不過以咁高級嘅燕窩作母親節禮物，媽咪見到一定好感動。
（樓上燕窩莊）
燕窩之中，經加工嘅燕餅係較經濟之選，而且滋補養顏嘅效用卻絕對唔差。
（樓上燕窩莊）
除咗買燕盞燕餅畀媽咪之外，喺母親節當日帶媽咪去食燕窩甜品一樣可盡表心意，而且選擇勁多，由$500一碗嘅冰糖燉原隻龍牙官燕盞到較平價嘅燕碎糖水都有，豐儉由人。
$268/細$468/大
和一般即食燕窩唔同，採用印尼金絲屋燕盞碎燉製嘅即食燕窩，每朝都新鮮燉製，賣唔晒都唔會留過夜，保證新鮮無防腐劑。（天毅金燕窩莊）
雖使用燕碎燉製，但份量一啲都唔差，口感十足，重可以免費加椰汁或鮮奶，更加香滑。
（天毅金燕窩莊）
送滋補品，都一樣可以有新鮮感，請阿媽飲燕窩果汁當然夠新意，另外亦有用滋補品製成的膠囊補丸健康食品，可以送畀媽媽，等佢唔使煮唔使燉，隨時隨地都有得補。
木瓜鮮奶燕窩（左）
芒果鮮奶燕窩（右）$10/杯
將燕窩加入果汁之中，飲落有鮮果味重有粒粒燕窩，而且價錢夠晒平，無收入嘅學生仔女一樣可以用燕窩孝敬媽媽。
（天毅金燕窩莊）
如果唔想媽媽受更年期影響情緒，就可以買呢包靜心營養素畀佢，可鬆弛緊張不安嘅心情，維持更年期前後的骨骼健康，當然亦係無添加嘅健康食品啦。
（FANCLHOUSE）
媽媽都係女人，所以一樣會貪靚，呢隻抗皺營養素含有三月太氨基蛋白，能補充皺紋部位所流失嘅彈性組織，啱晒怕老嘅媽媽。
（FANCLHOUSE）
含全破壁靈芝孢子及靈芝粉末，有強肺效用，據稱重可以延緩衰老，一於送畀媽媽祝佢青春常駐啦。
（位元堂）
和Kathy及蔡太兩母女做過訪問後，原來佢哋都有一個關於補品嘅小故事。Kathy說當初畢業後決定做全職Model時，媽媽曾經激烈反對，令到母女關係都變得幾惡劣，後來有一日當Kathy返到屋企，見到蔡媽媽弄了一盅燕窩，更說：「做Model一定要皮膚靚，食碗燕窩滋潤下啦。」原來蔡媽媽已接受咗Kathy以Model為職業，令到佢非常感動。從此佢成日都會用做Model賺到嘅錢嚟買補品同媽咪一齊分享，多咗溝通，關係重比以前好咗好多。
樓上燕窩莊已在母親節當日於《蘋果日報》預定了一版廣告位置，用作刊登顧客們和其母親合照之用。只要在5月7日或之前，到樓上燕窩莊購買任何燕窩半斤或以上，並附上和母親嘅合照一張，加上祝福字句，就可以於母親節當日畀個驚喜媽媽喇。（查詢：樓上燕窩莊 27702121）
售賣點
東方紅（27894172）
地址：旺角彌敦道613飛達中心地下
位元堂
顧客服務熱線27278911
天毅金燕窩莊（25762568）
地址：銅鑼灣波斯富街118號地舖
樓上燕窩莊（27702121）
地址：旺角彌敦道636號銀行中心20字樓01室
FANCLHOUSE（82232625）
地址：銅鑼灣時代廣場4樓405號舖