雖然近排香港汽車市道平平，用家購買意欲仍未見回復，惟較高價嘅SuperCar市場卻另計。正如今年剛啱換咗新代理嘅雅士頓．馬田（AstonMartin）咁，響九龍尖東開咗新Showroom之餘，遲吓重會開埋獨立嘅維修中心，以應英國廠方要求，同要顧及車迷嘅需要嘛！
至於今年憑藉007新戲，而為各地車迷喜愛嘅全新雅士頓．馬田Vanquish跑車，雖然外形跟𠵱家嘅DB7好相似，惟整部車身裏外，都係新計劃下嘅產物。亞Mark聽聞新代理，會響5月下旬率先購入一輛Vanquish，還會搞個大型新車預展㖭！講到車價，據知呢部Vanquish會較DB7嘅二百四十萬要貴出一截，定價大約會響三百萬上落啦！有興趣嘅Fans，就要留意呢部007座駕嘅到港日期嘞。