日產車廠於早前舉行嘅上海車展上，宣布會與中國東風汽車合作，於中國國內製造及推出旗下嘅Sunny車系，相信屆時又會令國內汽車市場，掀起新一輪嘅龍爭虎鬥呢！ 於國內生產嘅中國版Sunny（又稱陽光），將會與現時在港熱賣嘅一款有所分別，除外殼屬小改款版本外，動力心臟亦會由1.5公升引擎改為2.0公升型號，匹配上5前速手波或4前速自動波，用作日常代步絕對適合不過。車廂內部更會以高級真皮鑲嵌而成，加上承托力極高嘅座椅，乘坐舒適度可謂毋庸置疑。想知道此車更多資料嘅朋友，不妨Click入去www.sunny.cn 睇睇喇！