雖說疫症當前宜走到郊外跑跑，但素來熱愛一窩蜂的香港人，卻將部份郊外地方迫爆！為怕低危區反成為交叉感染地，Step同爹哋媽咪就諗到將燒烤樂搬返屋企，重約埋死黨同學仔Amanda，利用不同的醬汁和燒焗法，喺屋企煮出燒烤風味，見佢哋煮得咁開心，真羨慕！
記者：吳佩璇 攝影：周旭文
逢星期一至三、五刊出
就讀中二的Step和Amanda，年紀始終還小，父母都不大放心這時候讓她們通處跑，即使是燒烤這類健康的活動，亦免得就免。Amanda話平時即興就會去燒嘢食，但Step的媽咪Cindy始終擔心：「肺炎搞到周圍都唔去得，都想帶佢哋去燒吓嘢食，但係連郊外都好多人！」靈機一觸，便想到將平時燒烤的食物略加變化，在屋企一起燒個夠，還叫囡囡Step約埋同學仔齊齊煮。
愛笑的Step同Amanda兩個都異口同聲話最鍾意上家政堂，學過的蝦多士、薯仔雞翼、芒果布甸等，都會返屋企再煮。平時又會幫媽咪手煮飯。最搞笑係Amanda連發夢都係煮飯：「我試過發夢同Step一齊煮餸，煮乜就唔記得喇，但係就好開心。」
自調魚露更惹味
竹蔗蝦為越南美食，平日Step同媽咪Cindy都會趁去郊外燒烤時，將材料用錫紙包裹，放於網上燒。移師屋企煮，為添燒烤風味，她們就自調魚露汁，味帶酸辣，入口更惹味。
蝦1斤、竹蔗1枝、馬蹄6-7粒、芫荽少許、蛋白半隻、豬肉1小件（約1吋左右大）、鹽、胡椒粉及生粉各少許
薯條變餅底
鍾意食Pizza的Step，卻偏偏不喜歡食餅底。在一個台灣的烹飪節目中，教做了這個特色的薯條Pizza：棄以麵粉做餅底，創新的改用了薯條。又鍾意食薯條、又鍾意食Pizza的Step，當然即刻學整。
即食炸薯條1包（400克）、洋葱1個、青椒1個、厚身火腿1片、莎樂美腸1包、粟米3湯匙、細罐菠蘿1罐、意粉醬半樽（120克）、Pizza芝士200克、蟹柳4條、芝士粉適量、錫紙
二十年經驗烹製
燒嘢食又點少得燒雞翼？即使是這個家庭版燒雞翼，也落足燒烤料。入廚二十多年的Cindy，利用一晚時間自調了這個南乳芝麻醬，非常香口。
雞翼2磅
自調醬汁：南乳醬2湯匙、蝦醬1湯匙、芝麻醬1湯匙、香草半茶匙、蒜頭1粒