方力申（Alex）、Shine、薛家燕、Rosemary及一眾港姐，昨日齊到奧海城出席「信和萬心心連心之母發傳頌奧海城」活動，家燕姐更在拍賣環節上捐出一千元買相機，善款會捐給香港單親協會。
方力申透露前日與一班唱片公司工作人員，為鄧健泓（Patrick）舉行驚喜生日派對，他說：「Patrick嘅生日係後日，咁前日我同佢食完晚飯之後就同佢分手，跟住公司嘅人打電話畀佢叫佢去卡拉OK，重同佢講要落去拍一個有關卡拉OK清潔嘅短片。當Patrick落到去之後就見到有成幾十人為佢慶祝，佢重俾我用香檳淋濕晒，不過之後佢想報復，於是一直追到出走廊，最終我哋反轉成間卡拉OK。」
此外，左慧琪昨日被問到有周刊拍下她與男友親熱一事時，表示不願多提，她說：「因為啲屋企人已經決定將呢件事交畀律師處理，所以由今日開始我唔係好方便再講。」
採訪：李珮洳 攝影：仇志德
