容祖兒（Joey）昨日在銅鑼灣宣傳，兩位男歌迷為爭好位看偶像，先爆粗口角，繼而動武，幸得現場保安及時制止。Joey目擊整個過程，十分驚慌。
容祖兒（Joey）昨日在銅鑼灣出席三菱汽車抽獎活動，現場吸引了約百名途人圍觀。
其中兩名年輕男歌迷因為爭看偶像互相推撞，二人先是口角，繼而爆粗兼動武，現場保安立即予以制止，台上的Joey目擊整個過程，顯得十分驚慌。
Joey在台上發現現場一片混亂，她已說：「我都好驚，唔知佢哋發生乜嘢事。」而Joey事後更安撫兩位生事的歌迷，她說：「我見到記者猛咁影後面，現場又混亂，都知有事，個心嗰刻有啲驚，希望大家可以快啲冷靜落嚟，現場有小朋友，我驚會傷及無辜。我覺得大家唔好意氣用事，去到人多擠迫地方時就要忍讓。我唔希望嚟睇我嘅歌迷會受傷，我知嗰兩個男仔都唔係我歌迷會啲人，佢哋要自律啲。」
此外，Joey、許志安、黃凱芹和鄭希怡等，前晚在無綫電視城錄影《勁歌金曲》，Joey更模仿梅艷芳，演繹了對方的經典名曲《妖女》和《將冰山劈開》。與阿梅相比，Joey的體形明顯較豐滿。
問到Joey何以想到扮阿梅，她說：「我覺得梅姐好勁，當年喺佢身邊伴舞嘅安仔都好有型，佢真係好犀利，以前咁瘦，但𠵱家可以咁弗。」Joey今次更特別從無綫的服裝間借了阿梅當年穿過的服裝扮妖女，雖然安仔未有上台伴舞，但卻由《勁歌》主持林曉峰（阿Lo）頂上，阿Lo不時以電筒照臉，非常搞笑。
Joey說：「我覺得模仿梅姐最緊要眼神部份要夠cool，我扮佢係一種敬意，唔係醜化佢，但就一定要靚，呢次係我第一次扮人哋。」採訪：王連連
攝影：何國豪
