平治A-Class推出至今已有多年，雖一直為車迷追捧，但造型或多或少會予人有看膩感覺；最近，外國就有消息傳出，指平治落力研製新一代A-Class嘅同時，亦預備為其推出Coupe型號，並有望於明年瑞士日內瓦車展中亮相。圖中一部用作測試嘅新A-Class，看似係五門型號，但消息指此車實為三門Coupe，後座兩道車門只係「道具」而已。
而造型會與現有型號相近，同樣擁有低斜而闊大嘅頭燈，當然唔少得重有平治家族式鬼面罩啦！機械配搭方面，預期廠方會為A-ClassCoupe配用1.4、1.6及1.9公升電油引擎；據聞AMG亦會為新車推出強化跑版，並配以一台2.1公升引擎，從而更凸顯其跑車化一面呢！一眾平治Fans，記得留意關於呢款A-ClassCoupe嘅消息喇！