日本豐田繼推出新一代Harrier（即港版凌志RX300），備受車迷追捧後，最近又為旗下嘅家庭MPV車款Wish，追加2.0公升引擎版本，以滿足不同用家嘅需要呢！
今次，廠方為Wish追加，係一台編號1AZ-FSE嘅1998cc直4DOHCVVT-iD-4引擎，馬力輸出高達155ps/6000rpm，而扭力輸出亦高達19.6kgm/4000rpm，輔以一套CVT無段變速自動波，性能表現明顯要較原有1.8公升型號來得更強更勁，就連耗油量亦僅為13.2km/L（六座位版本）及14.4km/L（七座位版），兼且重有低廢氣排放嘅特性㖭！然而，造型及車廂布局則與現有1.8型號相近，唔知本港各大獨立車行，有無興趣將之引入呢？