沈殿霞與緋聞男友張永權前晚到港台做訪問，肥姐表示她跟張永權年齡差很遠，所以應沒有發展機會。但張永權非常維護肥姐，更讚她不化妝也一樣好看。
宣萱、沈殿霞（肥姐）及其緋聞男友、有「新加坡何守信」之稱的張永權（Samuel）前晚到港台接受節目《男人之家》訪問，為了保持神秘感，肥姐不肯讓張永權亮相，肥姐解釋說：「因為我哋會宣傳無綫嘅英語劇集，所以唔想喺宣傳前見記者。」
肥姐自與Samuel拍攝《肥肥一家親》後傳出緋聞，問現年五十五歲的肥姐可會跟張永權發展，她說：「梗係唔可能，佢四十二、三歲，大佢十幾年。欣宜都有見過佢，佢都成日叫我拍拖。」
但肥姐現階段覺得親情最重要，她說：「愛情短短一、兩年，激情過咗變無情，我唔想再發生呢啲事，因為已經試過，我有時間會多啲搵知己朋友飲咖啡，唔想再搵呢啲煩惱。」
肥姐對緋聞聲聲否認，但訪問中談到五十五歲的肥姐仍保持皮光肉滑的肌膚，卻被指是曾拉皮時，Samuel即為肥姐辯護說：「我就話唔係呀！我朝早見過肥姐冇化妝個樣……」Samuel未說完即遭肥姐更正，指他應該說明是在公司見面，以免引起誤會。
而被問到為何會與Samuel傳出緋聞時，肥姐說：「我都唔知，我都覺得好奇怪，阿Sam真係細我好多，梗係唔啱啦！」而當肥姐被問到會否找第二春時，她說：「我諗唔會啦，我老啦，冇呢個精力去找尋第二春，隨緣啦。」
此外，宣萱前晚準時到達直播室，聞得肥姐比她更早到抵達，宣萱即顯得緊張，立即進入直播室準備，問宣萱可知其緋聞男友羅嘉良將離開無綫，她說：「關我乜事？佢自己會諗清楚未來去向，冇搵我傾。」 採訪、攝影：卓美娟
