呢排興到郊外露天餐廳，除可吸口大自然新鮮空氣外，吃喝玩樂特色亦比城市食肆多，不過漸入炎夏，愛肌膚雪白的女士和小朋友總不能在陽光上獃上數個小時。龍鼓灘的SunCafe，便引入一種新西蘭電動天幕頂，可隨着陽光方位而作轉向，有露天情懷之餘，又不會被陽光灼傷皮膚。為了使露天餐廳更為大眾化，店主更另請甜品師傅，只做小食和甜品。十幾蚊一個甜品，就能坐足一個下午。
記者：伍璇卓 攝影：陳陶鈞
MODEL：Miki、Serbina（KOne）
逢星期一至三、五刊出
現時是全港唯一的露天Cafe的店主MissMo表示，一般人認為露天餐廳出品價錢一定貴，為了打破這個觀念，特地將Cafe變身成甜品店，請來甜品師傅，創出一系列平價特色的甜品，十八蚊一客，可以坐足一個下午，問到她賺蝕問題，她總是一派不在乎。
JEO笑說這是蝕本價，因來價就是18蚊，但由於香港很少人吃過，所以特別引入墨魚嘴，加上自家調製的燒汁，味道更為香口。
超過16安士份量，勁抵！Hellohalu源自菲律賓的雞尾酒，JEO表示會盡量保持本身的材料，做出沒有酒精的甜品，再自家精製士多啤梨醬，帶出原來的香味。這個Hellohalu共有四層，溝上椰果、粟米、紅豆、大樹菠蘿、大菜糕，吃完十六安士的甜品，好像吃飯一樣飽。
涼粉草有清理腸胃熱毒、解暑、潤膚等藥效，夏秋天最合用，適合高血壓、糖尿病人食用。至於重級份量的涼粉，則是專人製造，確保衞生，上面的鮮果更多得離譜，JEO表示，反正每日要買新鮮生果，用不完都是浪費，所以一定落重手。
春卷用上自家多年秘方的燒烤汁，JEO表示一定要蘸汁吃，一定比原來越式汁好味好多。
店主MissMo七、八年前，在龍鼓灘開設了第一個燒烤樂園，將龍鼓灘變成大自然燒烤勝地，生意總算不錯，今天她又再搞新意思，於附近開了一間天幕Cafe。「呢種天幕無幾多公司識得造，最後要使四十幾萬直接由新西蘭買返嚟。呢度都係一間玻璃屋，就算天氣唔好或者突然落雨，客人依然可以坐喺度享受大自然。燒嘢食在太悶喇，希望糖水同甜品會有啲新意。」
這個天幕分為四部份，四組天頂可獨立轉動，阻擋不同方向的太陽光，但又可保持露天的感覺。
MissMo笑說，本身已領有酒牌，但一直不主動賣酒，是想客人好好享受一下大自然的寧靜。「雖然賣酒有較高嘅利潤，但有啲飲酒客，會玩嘈吵嘅玩意例如猜枚，咁會破壞龍鼓灘嘅寧靜。」
MissMo本身是在龍鼓灘居住，她指出龍鼓灘是暫時少數未受破壞的郊外地方，整個海灘向正日落西斜，直接看到海天一色的夕陽。「好多人唔知龍鼓灘係睇星星嘅好地方，附近無屋苑同高速公路嘅街燈，晚黑唔需要用儀器或者工具就可以睇到滿天星斗。」
SunCafe的賣點，是自製的特色甜品，除了請甜品師傅駐場外，還一齊研究香港人對甜品的要求。SunCafe食物主理人Jeo表示，香港人的口感較重，簡單的一碗西米露糖水，他們會覺得淡而無味，要不斷加入新元素，才能迎合香港人特別口味。
「我哋會將一啲甜品設計得有冰涼感覺，其中嘅方法係用冰凍咗嘅新鮮生果，再加刨冰製成；另外，會將冰雪成三角圓柱體放喺飲品嘅最頂層上，咁樣可以長期保持飲品冰凍。」
地址：屯門龍鼓灘沙埔崗38號
電話：26138229
營業時間：星期一至五6:00pm-2:00am、星期六2:00pm-2:00am、星期日1:00pm-2:00am（免費泊車）