特區政府打沙士打咗成兩個月，大家正筋疲力盡之時，忽然傳嚟好消息，新嘅病例只有八宗，首次出現單位數增長，真係令人鼓舞，但願受感染嘅人愈來愈少。
八方聽聞，政府好快會宣布成立一個跨部門嘅沙士善後工作組，包括點樣重整物力再推廣形象。雖然行動遲咗啲，但總好過冇。至於邊個領軍重未知，有人話係煲呔曾。邊個都好，下面人馬例如新聞宣傳隊已經開始調動。
據知，在警隊公共關係科做咗一段時間嘅PatrictWong王永傑已於五月一日調返新聞處候命，代佢個位嘅係NelsonNg吳耀民。新聞處話兩人只是正常互調，但係八方就聽到調動同要加大對付SARS嘅力度有關，知情人士叫八方稍安毋躁，一陣就會揭曉。
傳真︰2623-9278
電郵︰