前線醫護人員是「沒有硝煙的戰鬥」中的勇士，四名身犯「險境」，首批派往治療非典型肺炎病人的女護士，在疫情稍為緩和的日子，回首過去一個多月來的「戰事」，眼淚再擱不住了，家人的支持和擔心、戰友的病倒、同袍的犧牲小我，讓她們體現了南丁格爾的精神。 記者：譚秀嫺、謝穎詩
【本報訊】四名護士自威爾斯親王醫院爆發非典型肺炎以來，到現在一直在治療非典型肺炎病人，她們昨日出席商台節目《政好星期天》，憶述當初由外科病房調派到治療非典型肺炎病人的時候，坦言「驚㗎，唔知發生乜嘢事，又做一啲同平時唔同嘅嘢」。
獲尊稱為「大家姐」的李美薇，是病房經理，自三月十七日起，帶着整隊同事調往治療非典型肺炎病人，承受非常大的壓力；昨日當她談到同事病倒的時候，不禁掉下淚來。
她說，有一個星期天，同事打電話告訴她有三位同事發燒，「聽到好心噏」；有同事更不顧自身安危，立即駕私家車到粉嶺接他們去看醫生，一直陪着同事。說到這裏，她已咽哽，惟有自嘲，「我都係喊包嚟㗎！」接着說：「我返去，我同啲同事講，『唔怕唔怕，雖然𠵱家三個（病倒了的同事），我唔喊嘅──今日』。」
她的同事方小蘭透露，「大家姐」的辦公時間是朝八晚四，但很多時是朝八晚十，而且給予同事很大支持，「喺前線上面，佢同我哋一齊做嘢，同埋，喺我哋好多決定性嘅時候，佢幫我哋一把」。
對着哭了的「大家姐」，方小蘭也咽哽着說：「佢對我哋支持好大，喺一班同事患病嘅時候，咁阿經理喊，真係好想陪佢一齊喊。」
「大家姐」的下屬譚敏儀，被調往非典型肺炎病房時，剛新婚不足一年。她說，當被調往病房的消息告訴家人時，丈夫「冇出聲」，爸爸及姊姊都給予很大支持。
譚敏儀於四月中病倒時，「好擔心，好驚」，也很傷心，「心諗呢個鐘幾好，唔知下個鐘會係點」，而且一直被隔離，「心面好唔舒服，好似冇人理我咁」；幸而得到照顧她
但她並無被病魔嚇倒，反而很想盡快返回崗位，再度治療肺炎病人，「𠵱家知道做病人原來係非常之辛苦嘅，唔係肉體上嘅辛苦，其實心靈上都係好痛苦，知道第二時應該點樣講嘢𠱁吓佢哋，畀啲乜嘢支持佢哋。」
一直照顧她的「大家姐」李美薇亦因此事變得更堅強，「擔心還擔心，但係始終班同事嘅同心，大家嘅支持，係足以令大家繼續向前。」她又說，在復活節假後上班的第一天，一位幾年前曾拍檔過的同事問她，「重需唔需要人手呀？我想加入呀！」她更已安排好親人照顧孩子，令李美薇很感動。
一些單身同事，騰出房間招待不敢回家的同事；李美薇也曾想過不回家，盡量減低傳染丈夫和孩子的機會，但她的丈夫說：「結婚嘅時候，大家嘅誓詞係禍福與共，疾病痛苦一齊面對，所以你都唔需要匿開」。
李美薇說：「廿幾年前入行嘅時候，我記得大家一齊，喺座位上面企起來，講一次南丁格爾誓詞，我諗係已經將佢嘅精神，融入喺我哋每一日生活裏面。」南丁格爾是世上最具代表性的護士，十分愛護病人，常在半夜提燈巡視病人情況。