八方日前講過五一勞動節嘅官式慶祝活動，唔見煲呔曾，以為經濟及勞工局局長葉澍堃大細超，三司中只請阿松同梁愛詩兩位司長。
實情終於真相大白，葉局長原來一早已廣發英雄帖，行政會議所有成員都有請。咁又係，以葉局長嘅政治智慧，又點會請一個唔請一個？反正禮賓府咁大，錢又係公家嘅。
講到尾，去唔去爭取曝光各人有自己打算。煲呔嗰日都有出街，同曾太去咗德興火鍋飲茶消費。不過，煲呔喺阿松偷步買車事件中受咗咁多委屈，犯錯嘅阿松就冇事，實在天冇眼。𠵱家繼外國商會後，連民建聯黨魁曾鈺成都話請佢出山統領沙士善後工作，睇怕阿爺係時候出手𠱁番佢出嚟。煲呔咁鍾意做嘢，一定答應嘅。
傳真︰2623-9278
電郵︰