呢輪香港市民嘅注意力不約而同放響非典型肺炎嘅問題上，而早前押後至四月尾，祈盼有望政府否決嘅汽車首次登記稅，幾乎響無人關注嘅情況下獲得最後通過。唉！亞Mark相信就算SARS疫情得以穩定的話，香港汽車市道仍會處於寒冬期，幾難有翻身機會嘞！唔知係咪有見及此，早排日產代理經已開出暗盤，只要客人有興趣購買Sunny的話，即刻減價促銷。此外，佢哋重裁減咗部份嘅前線營業員，但亞Mark想唔到上周五，佢哋重炒埋三間Showroom嘅分行經理，日後運作就由GeneralSalesManager嘅劉Sir（劉應堂）一人負責。若然到七、八月汽車銷量無回升的話，聽聞遲啲約滿嘅元朗陳列室，重有可能會關門大吉㖭。你話呢個後知後覺嘅政府，加埋貪圖小利嘅財爺，又點會令星斗嘅小市民有好日子過呢！