香港踏入5月似乎真係有啲轉運，睇番「SARS指數」，上周五係11宗，上周六係10宗，噚日則降至單位數字8宗，情況確係令人鼓舞，希望好快就見到肺炎新症絕迹。
肺炎受控迹象明顯，加上美股上周五造好，港股今日有望上試50日線8881，甚至平行下降通道頂8970水平，但估計升破通道頂機會不大，除非本周真是無肺炎新症出現。
短期而言，恒指估計在8640至8970橫行的機會較大，炒輪唔容易，要貼市及轉身非常快，跌近8640不破可買恒指Call輪，升近8970附近受壓沽貨獲利。此外，並可反手買恒指Put輪，跌近8640見支持沽貨。
由另一個角度睇，恒指3月中未爆發大型肺炎潮前，高位是9281，由此衡量，恒指若升破9281高位，即表示經濟前景轉好，甚至可以彌補肺炎所帶來的經濟損失，但暫時看來則似乎十畫未有一撇，所以估計恒指短期不易升破9281，仍會在平行下降通道內運行。
倉內海域（1220）上周並無跟隨大市勁升，基本上是在20日線（現處1.24元）附近爭持。海域的250日線目前在1.31元，是主要的好淡分水嶺，以現價計，其實只相距不足6%，要升破並非太困難，可留意會否出現突破性走勢，破位可考慮加1注。另方面，若跌穿1.20元，則會有機下試1.13元。
趙飛雲