繼嘉里（683）之後，又有公司私有化，今次輪到鵬利國際（268），私有化每股作價0.74元，較停牌前收市價0.43元，有成72%溢價，如果今日隻股復牌唔升到癲，就真係大新聞。
鵬利停牌前股價已見異動，可惜小初收唔到料，真係唔知點解有春江鴨咁醒。
年輕賓架安慰小初，佢話近排股市低迷，唔少公司股價長期低於資產淨值，而市場亦發揮唔到集資功能，令投資銀行冇乜生意，因此佢哋會積極游說老闆搞私有化，私有化行動會陸續有嚟，小初唔使愁。
不過年輕賓架又話，在股海中尋寶要非常小心，好似近排炒風漸勁嘅華人置業（127），佢就覺得唔多似。華置股價由4月中低位0.88元，升至上周五收市1.44元，股份成交則愈嚟愈大，如果真係搞私有化，照計唔會有咁多貨要沽。
慕容小初