一場沙士，搞到祖國神州大地掀起了一場「沒有硝煙的戰爭」，廣州市呼吸疾病研究所所長鍾南山更成為了抗炎英雄。中央台嘅《東方時空》日前訪問廣東醫護人員抗炎經歷，該位男記者不斷追問鍾南山，點解貴為中央工程院院士，又年近六十八，重要日日喺咁高危嘅非典病房出出入入？
鍾南山聽到個問題，覺得好奇怪，話做大夫就係咁㗎啦。佢重糾正個記者，自己只係六十七歲，冇六十八咁老，又叫班攝影隊唔好跟佢入ICU，太危險。
不過中央台嘅記者亦置生死於度外，衝埋入ICU，重喺入面做訪問。但係個記者喺訪問一個護士長時，人哋喊佢又忍唔住喊；後來個記者重變身受訪者，提起訪問鍾南山嘅感受時，佢老哥又喊唔停！
傳真︰2623-9278
電郵︰