何超儀和男友陳子聰被傳今年十一月結婚，陳子聰日前出席公開場合被追問婚訊時，竟一時氣憤連環爆粗。超儀昨日笑言要坐穿梭機才肯下嫁對方，陳子聰聞言即十分擔心，歎謂近日要開始四圍「撲水」辦婚事。
何超儀昨日在電話中說：「如果佢澳洲嘅屋企有停機坪，就真係唔淨止喺布吉BanyanTree結婚，我要坐穿梭機上火星舉行婚禮，我聽講坐穿梭機每位要成二億美金（約十六億港元）。」
在超儀身邊的陳子聰聽到，即時顯得憂心忡忡，他在電話中說：「佢要咁先肯嫁，我打開本存摺都幾擔心，睇嚟我都要向朋友『撲水』，我嘅朋友以Eason（陳奕迅）最有錢，其次係阿仔（謝霆鋒），Candy（盧巧音）呢排又開演唱會，賺到豬籠入水，好應該借錢畀我。」
採訪：比華利