過去兩年主攻內地市場的杜德偉，早前重投滾石唱片懷抱，預計七月出碟外，又接拍衞視投資的電視劇《第八號當舖》，重新活躍於港台演藝圈。Alex並將於本月中赴台拍攝，惜受非典型肺炎影響，未知能否如期出發。Alex說：「𠵱家都唔知點，成組人等我一個，本來我另外有兩部戲要去泰國同深圳取景，𠵱家都未去得。」
雖然工作受影響，但Alex仍發揮樂觀精神，他說：「我一向諗嘢都係咁樂觀，個人會開心啲。我年幾前睇咗《誰搬走了我的乳酪？》，感受好深，每次遇到事情，都會諗起本書嘅道理嚟開解自已。」
Alex還有兩個理想，他說：「一個係開跳舞學校，算係延續我對舞台嘅喜愛啦，培養新一代。另一個係我好想搞服裝，成立自己嘅品牌，啲衫全部由我設計，我之前已經做咗個秋冬系列，設計咗二百幾個items，有啲我重着過上台演出。」
撰文：蔡如玉
攝影：陳慧安