激瘦8磅男友讚纖腰fit
譚玉梅要喺希臘行婚禮

趙世光的紅顏知己譚玉梅前晚往蘭桂坊CClub，出席Anaiss婚紗晚裝店開幕酒會。伊人透露旅行歸來激瘦八磅，上圍Cup數也縮水，但腰肢變幼更得男友歡心。她表示現在雖有男友，但尚未找到理想的白馬王子，伊人又表示將來結婚，一定選希臘或意大利舉行婚禮。

趙世光的紅顏知己譚玉梅前晚與胞妹譚紅梅結伴往蘭桂坊CClub，出席Anaiss婚紗店的開幕酒會，衣着性感的她表示剛自新西蘭返港，由於吃不慣彼邦的食物，所以激瘦八磅，現只剩下一百零八磅。

「一定嫁得出」
譚玉梅說：「如果瘦多五磅重好，可以着比堅尼泳衣。」問她穿比堅尼不怕緋聞男友趙世光流鼻血嗎？她笑說：「我男友日日流鼻水就真。」她又指消瘦了連上圍cup數也由C級縮至B級，問她男友有否因而投訴？她笑說：「冇，我條腰幼咗，男友重話fit㖭。」
前晚大會邀請了黃卓玲、韓君婷、梁琤和溫碧霞任模特兒，示範婚紗和晚裝。問譚玉梅看見女星們示範婚紗，有沒有結婚衝動？她說：「呢啲隨緣啦，不過我相信自己一定嫁得出嘅。我嘅婚禮唔可以草草了事㗎，一定要着婚紗，最理想係喺希臘或者意大利搞，人少少咁舉行婚禮都唔錯。」

「男友未夠完美」
問譚玉梅找到結婚對象沒有？她說：「𠵱家男友就有，但唔係理想嘅白馬王子，我覺得𠵱家嘅男友未夠完美，得九十九分，所以唔係結婚對象。」再問她現任男友有沒有向她求過婚？她說：「以前啲男友就求過婚，呢個就重未啦。」
此外，城中富豪劉鑾雄的前助手王穎妤前晚身穿透視裝出席酒會，記者提及劉鑾雄前妻寶詠琴病逝一事，王穎妤表示因非典型肺炎肆虐，不想與人作近距離接觸，婉拒訪問。
採訪：RitaLeung　
攝影：RickyChan