著名超級跑車製造商瑪莎拉蒂（Maserati），繼推出全新Spyder開篷跑車後，又於剛舉行嘅上海車展上，展出Trofeo特別版型號，並備受內地車迷對其行注目禮㖭！
呢部瑪莎拉蒂Trofeo高性能跑車，除加有全車包圍及尾翼外，襯以四輪大口徑跑車合金胎軨，一派跑車形象可謂表露無遺；至於車廂方面，除裝有能讓你坐得靠貼合攏嘅桶形跑車座椅外，車內更加裝有防滾架，以保障車手於意外發生時嘅安全。
另外，新車為減輕車重（Trofeo車重只有1370kg），廠方特別將車內嘅冷氣及隔音裝置等不必要設備拆除，匹配一套經過強化改裝嘅V8引擎，同埋一套F-1式半自動波箱，從而令性能表現更見強勁，就連制動系統亦經過強化改良，以求令呢部Trofeo跑車，可予人有收放自如嘅效果呢！