中國證監會副主席查史美倫乃內地官場鮮有的土產港人，北上後佢甚少接受傳媒訪問，不過現時誠哥旗下tom.com擁有的《茶杯月刊》，則有幸採訪到查太，並用佢做封面人物。
呢個訪問披露佢如何加入內地官場。話說二○○○年五月亞洲協會喺上海舉行研討會，當時朱鎔基係嘉賓，會前朱總接見一班講者，查太乃其中一人，到提問時段大家戰戰兢兢，兩三個問題後就出現悶場，呢個時候查太舉手發問，朱總竟然可以叫出佢個名「史美倫」。
原來朱總留意咗佢好耐，一個月後佢決定唔留任香港證監會，朱總就即刻派人搵佢過檔。睇嚟八方要留意領導人叫得出名嘅人喇，董建華都係咁俾江總欽點中㗎啦！
﹙圖﹚中國證監會副主席查史美倫
傳真︰2623-9278
電郵︰