梁詠琪（GiGi）趁着母親節將至，除親自創作新歌《無所不在》歌頌母愛之外，近日她接受港台節目《香江暖流》訪問，更細說母親的偉大及二人的相處之道。
GiGi出身單親家庭，對母親的堅毅意志十分敬佩，她說：「佢係一個真情流露嘅媽媽，喺我十六、七歲嘅時候父母離婚，佢一個人要面對咁大轉變，自己承擔一頭家，重要將青春、將來擺晒喺我哋身上，我好佩服佢，要報答佢係永遠都報唔完。」
GiGi至今仍能與母親維繫着良好的關係，全憑她一次反叛的經歷，她說：「記得有一次喺我讀緊書嘅時候，我同朋友去卡拉OK到淩晨兩點，嗰晚聽唔到電話聲，直至返到屋企見到我媽媽喺屋企喊住咁等我，我先知道後悔，發現原來用電話報平安嘅緊要。」