現居月租五萬多元山頂豪宅的章小蕙，被入稟追討十八萬五千多元欠租，她昨日稱當初不交租是希望與業主商量減租，又表示上周五已交回所欠租金，並謂：「唔交兩個月租唔係好過份啫！」
身負裕泰興二億五千萬元債項的章小蕙，前夫鍾鎮濤及前男友陳曜旻相繼申請破產，她卻愈住愈富貴，今年一月由大坑道舊居遷往山頂道豪宅，不足數月，其新居業主昨日入稟高等法院，向章小蕙追討拖欠的租金連雜費等共十八萬五千多元，同時收樓。
原訴人HKRTPeakPropertiesLtd.為章小蕙豪宅的業主，根據入稟狀中指出，原訴人與被告RichEraLtd.簽訂合約，以月租五萬多元出租該單位，但被告公司自今年三月起拖欠租金至今，累積兩個月欠租，連同管理費雜費等共十八萬五千多元，原訴人現入稟法院追討該筆欠款及收回單位。
章小蕙昨日在其中環時裝店回應欠租一事，她說：「我啱啱喺噚日（上周五）交番租啦，之前唔交係因為我三月嗰陣開始同業主傾減租，希望佢可以減兩成，但係業主點都企硬，咁𠵱家咪交番畀佢囉，喺呢個時勢，唔交兩個月租唔係好過份啫！」
章小蕙表示因非典型肺炎肆虐，時裝店生意額大跌，問她有沒有想過搬往租金較便宜的地方？她說：「唉，即使冇收入，搬間細屋咪一樣有問題，條數暫時都計得掂嘅。」
章小蕙表示即使收入減少，依然堅持不會降低子女的生活質素，亦不會削減員工的薪金。
問章小蕙有甚麼自救方法？她說：「咪撈番啲舊嘢囉，就係幫人做personalshopping，啲佣金就留嚟自己用，另外我重打算出售時裝店嘅股份，𠵱家已經同律師傾緊，不過呢樣嘢要好小心傾，因為如果賣股份賣畀個唔啱嘅人，重慘過結錯婚。另外，我重想同中環時裝店個業主傾減租。」
問章小蕙男友Wilhelm可知道她欠租一事？她說：「佢知，佢重話借錢畀我㖭，真係患難見真情，我即時對佢又加分，但係我覺得男女朋友唔應該有錢銀轇轕，所以我拒絕咗佢。」她又稱現時有兩部電影在洽談中。
採訪：梁家亮、顏英儀 攝影：顏英儀
案件編號：HCA1548/03
