Smart雖已推出一段時間，但仍備受車迷追捧；而廠方繼推出第二代Smart後，於日前又宣布會於2004年春季，推出全新四座位型號，並將之定名為SmartForfour，以滿足不同車迷要求。
從廠方公布嘅相片中可以睇到，全新SmartForfour四座位版本嘅造型，看似帶有點同系Coupe版本嘅影子，但一組頭燈則用上四盞圓燈設計，照明度高之餘襯以獨特鬼面罩組合，望落份外吸引突出。然而，由於SmartForfour用上四座位設計，故此車廂空間會較Coupe型號來得寬敞闊落得多，就連設備配搭亦見齊全易用；廠方亦會為新車提供有三台電油及兩台柴油引擎供選擇，馬力輸出各有不同，定能滿足不同用家嘅需要呢！