昨日余文樂及陳冠希（Edison）在記者會上，一起接受杜汶澤訪問時，除被杜汶澤揶揄二人不和外，更不時發台瘟，講多錯多。
杜汶澤在台上刻意站在二人中間，說：「點都要企喺中間，你哋唔係不和㗎咩？」Edison即以董太口脗回應說：「宣傳、宣傳、宣傳。冇嘢、冇嘢、冇嘢。」
而余文樂被問到在《無間道II》中飾演甚麼角色時，他竟誤說自己會做少年劉德華（應為少年梁朝偉），即時惹來台下大笑。而Edison亦不忘取笑緋聞情敵說：「點呀？點呀？點呀？你做劉德華，咁我做梁朝偉啦！」
不過Edison自己也好不到那裏，問到即將演出《無間道II》會否有壓力時，他再次發揮董太本色說：「幾啦、幾啦，所以成日睇劇本、成日睇劇本。」