陳子聰與何超儀前晚結伴往中環dragon-i出席「ILoveHK」派對，兩人入場時對年底結婚傳聞均封口不答。直至離開時，半醉的陳子聰再被追問是否在泰國布吉BanyanTree舉行婚禮時，他爆粗說：「Ban乜鬼，唔X係呀嘛？」然後又說：「乜X嘢呀？」說罷，由兩友人攙扶離去。
早前盧巧音踢爆賭王何鴻燊千金何超儀與陳子聰的婚訊，何超儀已公開否認，但早前再有報道指兩人婚事其實籌備得如火如荼，並打算在泰國布吉六星級度假酒店BanyanTree舉行婚禮。
何超儀與陳子聰前晚與好友徐濠縈、趙世曾與女友Wendy、MaggieQ和模特兒Sofia到中環dragon-i參加「ILoveHK」派對。超儀與男友火速進場，不接受訪問。
至凌晨時分二人離開時，問他們是否會在泰國布吉舉行婚禮，豈料半醉的陳子聰即爆粗說：「Ban乜鬼呀？唔×係呀嘛？」問他為何否認婚訊？他說：「認乜×呀？乜×嘢呀？」記者向超儀求證結婚消息，她邊行邊說：「好心你哋咪問啲咁煩嘅嘢啦。」問超儀其父何鴻燊知否她與男友的婚事？超儀則不作回應。
對於陳子聰前晚爆粗，超儀昨日為新劇《功夫足球》試造型時說：「前晚啲酒唔使錢，佢咪飲多咗，再加上去party前佢已經俾另一個朋友『隊』，所以都唔知自己講過乜。佢今朝打電話畀我，重問我佢講過啲乜，我就同佢講『你第日睇報紙咪知囉』。」
有報道指兩人在BanyanTree舉行婚禮，何超儀說：「你哋唔好問咁多，我都唔明，問都冇問過我，點解可以寫成二千字出嚟。」報道又指陳子聰家境富有，他在澳洲的家可以直接停泊直升機，超儀對此說：「如果我男友係有錢成咁，就揀坐穿梭機結婚啦。」
採訪：RitaLeung、JessicaNgan、ChenMuiHeung
攝影：HoKwokHo
