男子組合Shine的徐天佑及黃又南日前往海洋公園，因地方空曠，二人即脫掉口罩，卸下防炎措施玩個夠。徐天佑更克服畏高，大玩摩天輪及機動遊戲，Shine笑言要藉此做運動強健體魄防炎。
非典型肺炎在港擴散，大部份市民為安全起見，均戴上口罩上街，不過二人組合Shine日前終可除掉口罩，於空曠的海洋公園玩上大半天。
當日成員之一的黃又南因膊頭受傷，徐天佑又有畏高症，故二人沒有玩較刺激的機動遊戲，但他們在公園內不停跳跳紮，天佑更乘機玩刺激性較低的摩天輪，克服畏高症。
事後Shine笑說：「呢排因為肺炎，所以都好少出街，出親街又要戴口罩，雖然唔多方便，但唔戴又唔得，海洋公園咁空曠，我哋咪除口罩囉，啲電視宣傳片話做多啲運動，體魄好啲，抵抗力強啲會防炎，今日喺公園行吓玩吓當做運動，順便吸新鮮空氣。」
Shine表示他們一向有食維他命C的習慣，加強身體抵抗力，又南說：「我自己嘅防炎措施係keep好身體，唔好成日病，瞓多啲，去商場呢啲公眾地方，一定要勤啲洗手同消毒。早排我返屋企，一入門口就俾屋企人叫住話除鞋先好入嚟。」
此外，Shine於今天出碟，未知二人會否擔心銷量受肺炎影響？又南說：「呢啲係公司决定，我哋都唔會驚，呢排都有好多歌手出碟啦。」
採訪：朱芷瑩
攝影：陳偉權
