張家輝、張可頤、滕麗名、湯盈盈、楊婉儀及于洋等人，昨日齊往尖沙嘴出席新劇《十萬噸情緣》記者會。家輝看過《十》劇的精華片段後，即笑說：「冇辦法再好得過呢部劇，收視唔好超過六十點啦！」他又笑言拍《十》劇其間與一名演員曾拍拖半年，隨後家輝即說：「其實係于洋，又可以驅風，又可以補腎！」
《十》劇曾三度延期播出，但家輝卻表示現在播出正是好時機，他說：「雖然非典型肺炎影響好多行業，但《十》劇係部輕鬆喜劇，希望可以令市民放鬆吓啦！」而對羅嘉良離開無綫一事，家輝說：「各人有各人嘅需要，我唔可以去評價佢走係啱定錯，可能佢想試吓唔同嘅嘢。」
此外，滕麗名昨日表示早前拍劇時，弄傷了鄭少秋的頸部，令她十分內疚。
採訪：陳梅香
攝影：陳偉權