警隊高層口口聲聲話提高透明度，但就講一套做一套，記者向警方攞料有時難過登天，皆因唔少保守警官抱住多講多錯、唔講唔錯心態。
八方噚日遇上警察公共關係科老總鄧厚江總警司，傾開警隊提高透明度問題，佢老兄例牌否認大耍太極，力指警隊有鼓勵前線人員向記者提供資料。佢舉例，警察公關前日就安排記者到東九龍衝鋒隊基地，介紹警方防範非典裝備同執行措施指引。
其實警隊後知後覺，SARS在港爆發個幾月，多個政府部門先後講過預防措施，惟獨警隊例外，所以先有記者要偷拍藍帽子收工返警署消毒經過。防範SARS人人有責，警隊如果及早宣傳警隊有足夠防炎裝備同措施，市民同前線警務人員都會安心啲。
傳真︰2623-9278
電郵︰