每個女人，總有自家一套扮靚秘方。好似長時間要Keep住最佳狀態的模特兒，她們的美容扮靚Tips，自然信得過。今次訪問的名模周汶錡（KathyChow），天生擁有一對人人羨慕的四十二吋長腿，性感誘人，其扮靚格言係：「一對靚嘅腳係女人最煞食的地方，珍貴程度比個胸重緊要！」今次就由她教大家點護理雙腳，讓大家偷偷師。
記者：羅惠芬
攝影：黃子偉、陳智良
Kathy強力推介爽健的護腳產品：「因為佢夠老字號，我會對佢有信心。」
a.先用去粗皮膏去除腳部的角質層和死皮。$39.9
b.再塗清爽滋潤露，令雙腳肌膚保持彈性和柔軟。$39.9
c.最後搽上深層滋潤露，預防腳跟爆裂。$51.9
Kathy成日要行天橋，快速換衫換鞋都好容易磨損腳部，所以花在護理雙腳的時間更加慳不得，要日日替雙腳做磨砂。
「因為腳部的皮膚比其他部位厚四倍，唔做磨砂只會令死皮和腳繭愈積愈厚，絕對唔懶得。」就連趾甲Kathy都好小心護理，定期去美容院做水晶甲。「如果我對腳嘅肉再瘦啲、實淨啲，咁就Perfect喇！」
除了雙腳，Kathy亦好重視身體的皮膚護理。所以沐浴時，她會用浴鹽替身體較厚皮的地方做磨砂，例如手肘位，減少黑色素同死皮。之後一定要搽BodyLotion和EssentialOil來滋潤皮膚。不過，她強調磨砂時不可以太大力，否則皮膚變得太薄，就會好容易曬黑。
原籍上海的Kathy，遺傳了家族又白又滑的皮膚，不過她對依然積極選擇美白產品，每日還會飲至少2公升溫水，戒食一切涼性食物和飲品，免傷皮膚。
Kathy重有一個獨門保濕食療，就係用海底椰雪蛤膏煲竹絲雞湯，她說飲完還可以令皮膚即時滑淨，大家不妨試試。
Kathy話眼部最容易出問題，尤其是眼紋，所以Keep住晚晚搽眼部精華素，收緊雙眼附近的皮膚。
最近SARS喺香港橫行，日日戴住口罩出街，好多女孩子都索性唔化妝。但Kathy作為公眾人物，唇膏一定要搽，免得見人時面青口唇白，就認真尷尬。近來她日日用MaxFactor的LipFinity系列：「不脫色效果好好，唔怕除口罩後唔見得人。」
其實Kathy最初入行時完全不懂化妝，粉底唔識搽，眼影又用錯色，「不過𠵱家熟手好多，試過最快只用五分鐘，就可以化好妝出門口。」她的化妝貼士，係塗遮瑕膏時，要先用吸油紙印走面上多餘的油脂，而且只可以塗薄薄一層。「搽太多顏色會變灰，分分鐘令黑眼圈更明顯。」
查詢
Kiehl's 29702319
MaxFactor 28342166
Nature's 28828512
Olay 25829302
SK-II 28342166
爽健 26355951