麥浚龍（Juno）有份參演的青春電影《六樓后座》已於日前拍竣，一直被評其貌不揚的Juno，在片中飾演一個深受少女歡迎的市儈酒保，而他更以超凡的調酒技術冧盡少女心。
現實中的Juno，亦自認市儈和很受女孩子歡迎。
青春電影《六樓后座》是麥浚龍的處男作，他在片中飾演一位經驗豐富的酒保，但對一向滴酒不沾的Juno來說實在是一大考驗。日前Juno在尖沙嘴接受記者訪問時，便親自示範一連串的調酒姿勢與技巧，只見Juno表演得有板有眼，原來他用膠樽與酒樽不斷練習，竟在一小時內成功練好這項冧女絕招。
Juno說：「我完全唔識調酒，係接咗呢部戲先開始學，未埋位嘅時候就不停練習，一路拍一路學。拍嘅時候真係有啲驚心動魄嘅感覺，好似比緊賽咁。最後拍咗三take就OK，自己都好開心。」問到Juno現實中是否同樣受到少女的歡迎時，他充滿自信地說：「我都幾受女性朋友歡迎㗎！」
片中的Juno為人市儈，他自嘲與戲中人甚為相似，他說：「其實我都好市儈㗎，我成日去銅鑼灣買二手漫畫嘅時候都會講價，而且每次都會講得成，所以老闆見到我都怕怕。」
雖然《六》片拍攝為時只有一個月，但已令Juno拍戲拍上癮，他說：「同盧巧音、蘇永康同森美佢哋喺出騷就成日見到，但係好少機會溝通，今次拍完呢部戲可以將大家組埋一齊，𠵱家都好懷念拍攝時候嘅日子。真係鍾意咗拍戲，學到好多嘢，而呢一年公司為我接咗一部愛情片，嚟緊會將拍戲同唱歌成正比發展。」
採訪：羅慧敏 攝影：甄朝健
髮型：EdmondLeung(Tete)
場地提供：ClubHavana
