正所謂有其兄必有其弟，現年二十二歲嘅木村拓哉細佬木村俊作，打欖球一向相當了得，噚日有消息話俊作將會以國家隊正選身份，喺今年七月去德國參加第二屆欖球世界盃，𠵱家好多日本人都對俊作同一班隊友有好大期望，希望佢哋可以爭取好成績。 講開又講，俊作一直好憎人叫佢「木村拓哉個細佬」，今次可算為自己爭番啖氣！