五一勞動節，左派工會龍頭工聯會搞咗個酒會，慶祝五一之外，又順道慶祝工聯會五十五周年紀念。但係，沙士嚇人，為令進場人士安心，工聯會特別由內地運來四部體溫探測機，放喺會場門外，所有進場人士包括主禮嘉賓特首董建華，都要先量過體溫之後先可以進場。
工聯會理事長黃國健話，之前佢最擔心係董建華過唔到體溫探測呢關，佢重講笑話不如偷偷哋拔咗部機個插蘇，等董建華可以順利「過關」。結果？梗係冇咁樣造馬啦！
（圖）工聯會搞酒會，專登喺場外裝咗部體溫探測機，曾鈺成當然輕鬆過關啦。
張家俊攝
傳真︰2623-9278
電郵︰