台灣《蘋果日報》今日創刊，印六十萬份、優惠價五蚊台幣（約港幣一元一角）、廣告收到爆晒燈。兩大對手《中時》、《聯合》被迫減價迎戰。這個二千餘萬人口的市場，烽煙已升起。
因為台灣政府突然實施隔離措施，八方無法見證新報紙的誕生，惟有致電打氣。堅哥（總裁葉一堅）話好緊張，重緊張過八年前香港《蘋果》創刊。佢話頭條新聞係肺炎，計劃做六版，重有三個鐘就要做完，個個手足都正在「打仗」，陳裕鑫老總撲來撲去好生猛；至於肥佬黎，就返咗屋企瞓覺，因為佢話自己留在編輯部盞令大家更緊張，不如等到半夜十二點至返公司，同大隊一齊去印刷廠睇報紙出版，開香檳。
衷心祝福台灣《蘋果》。奇迹是可以創造的。八年前，在香港賣蘋果，一定是一個個賣。現在，是一份份賣。
傳真︰2623-9278
電郵︰