名模琦琦近日為護髮產品在台灣拍攝廣告，她穿上低V的Gucci短裙扮邦女郎，展示其四十四吋長腿。雖然有型有款，但琦琦卻因穿上特製的內衣，令玉背長出水泡，認真慘！
名模琦琦日前往台灣，為「澳寶」焗油產品拍攝新一輯廣告，廣告將於本月中在香港和內地播映。琦琦在廣告中以邦女郎的造型出現，配合一頭柔順的秀髮，與電影中的邦女郎一樣有型有款。
問琦琦為何以邦女郎look拍廣告？她日前說：「我以前都拍過呢個牌子嘅廣告，上一次喺沙漠拍，廣告商好有誠意，佢哋足足等咗我半年再拍呢個廣告，重專登同我設計呢個邦女郎造型，我都好鍾意。」
琦琦表示平時很喜歡占士邦系列的電影，她說：「我每套都必睇，所以有機會扮邦女郎都好開心，廣告商重特別安排美術指導幫我設計呢個造型，佢哋重話着短裙可以騷吓我對四十四吋長嘅腳，我覺得冇所謂，總之最緊要靚。」不過琦琦因為穿着低V的Gucci短裙，要穿上特別的內衣配合，但內衣卻令她的玉背受壓長了水泡，令她近日不敢着露背裝。
琦琦平時有甚麼護髮心得？她說：「我自細已經好懶，唔願意花時間喺髮型屋，所以每個禮拜洗頭後，喺屋企做吓焗油，我覺得咁樣好簡單同方便，但行騷要吹頭，都會去髮型屋做護理。」
採訪：比華利
