在非典型肺炎肆虐下，為了避免傳媒出席人多的大型記者會，MusicNation唱片公司日前為新加盟的古天樂破天荒舉行了一個虛擬記者會，在會上更大玩特首董建華等高官，古天樂聽到特首的言論，便悶得不停打呵欠，甚至喝停他的講話。
古天樂離開華星唱片後，最近正式加盟李澤楷旗下的唱片公司MusicNation。在非典型肺炎肆虐下，為避免傳媒出席人多的大型活動，該公司日前在貝沙灣特別舉行了一個虛擬記者會宣布古仔加盟，並邀請了應采兒與吳彥祖客串演出，兩人分別扮演市民和記者向古仔提問。
在虛擬記者會中，特首董建華、財政司司長梁錦松，以及張栢芝早前在泰國的「推油」事件等，全都被拿來開玩笑，有些問題古仔還未回答，大會就先播出經特別剪輯的董建華與梁錦松等高官過往的講話片段，代替古仔答話。
當吳彥祖問古仔新碟有甚麼新意時，大會播出董建華的冗長講話令古仔不斷打瞌睡；後來應采兒再問他到泰國拍封面，會否找一些性感女郎為他推油，當大會未播出特首講話，古仔便先喝停說：「咪住！唔好交畀佢講啦！如果佢連八萬五都講埋我就暈低，都係講番呢個問題，我覺得推油係高尚情操。」
對於虛擬記者會拿一眾高官來開玩笑，古仔昨日笑說：「我都係奉命讀稿，其他嘢都唔係咁清楚，我隻新碟會喺呢個月尾或下個月初推出，呢排我都係忙緊宣傳新歌，今次主打歌叫《Mr.Cool》，唱片公司認為我嘅形象好cool，所以呢首歌為我度身訂做。咁耐冇出過碟，我都希望啲fans會鍾意呢張新碟。」