市面上的所謂特平任食火鍋，很多時會出口術，大隻字寫明任食，但火鍋湯底要另計、小菜另計、飲品另計、晚上九時後入座等；但今次介紹的28蚊自助火鍋，就包埋44種火鍋料、鍋底、甜品、24種點心（包括皇帝御用點心）、15款熟食、蔬菜等。酒樓老闆說，只要人流夠，只賺13元茶芥醬錢便算了。
記者：伍璇卓 攝影：陳陶鈞
Model：Maggie,Helen（K1One）
金伯爵海鮮酒家
電話：27979802
$28任食火鍋時段：晚上6點至10點
地址：觀塘順利邨B座地下
這個不但是任食火鍋，其實也是個自助餐，因為除火鍋外，還可吃到十多款中西熟食、燒味和每日精選菜式。酒樓經理林社芝笑說，火鍋和自助餐只是碎料，最勁是無限量供應的皇帝御用點心甜品，類似的御用點心，一般要在上級的酒樓才能吃到。
長期捧場客強烈推介
推介食品：鮮打鯪魚球、椒鹽雞翼、蛋撻甜品、椒鹽大蝦，另外是仔仔最愛的啫喱。
屋企煮三個人嘅飯，買好一啲嘅餸最少都要百幾蚊，呢度都係百幾蚊，但咩都可以食到，平時一個星期嚟三至四次，最重要係品質高，相對於價錢，相當合理。
推介食品：肥牛肉、御用點心、布丁、甜品
𠵱家一個星期嚟三次，冬天就日日食，因為真係好抵食，款式又多。
推介食品：大魚頭、點心和燒味
好抵食，28蚊算最合理，最重要係新鮮，我鍾意食魚，所以新鮮最重要。
無限量供應古方龜苓膏
為了切合各界人士防肺炎的需要，林社芝說每晚會推出多款潤肺糖水，例如有綠豆沙、番薯糖水、紅豆沙等，但在非典型肺炎為患時期，他們特地推出有清熱解毒功效的龜苓膏，其配方是正宗國內古方。他忠告雖然是免費及不限量供應，但不要吃得太多，每次一至兩碗便足夠。
是清熱最佳之選，海帶糕有椰汁，口感相當清涼。
用杞子和紅棗煲成甜湯，再加入魚膠粉，將甜湯和杞子等做成糕狀，可以補血養顏。
用七彩啫喱切成幼絲，再混入透明糕內，是每晚的搶手點心之一。
雖然任食時間有成4個鐘頭，但由於食量有限，必須採取不同策略，務求揀選最貴價貨色，食到最多，以下係小記親身於6-10時段狂掃火鍋實錄，你下次去時可以作一參考：
酒樓經理林社芝表示要在這個經濟時期吸引食客，不但要便宜，還要講求食品的款式和品質，不能取巧。
「要平又賺錢，一定要靠熟客生意同口碑，呢個係現代食肆嘅經營方法，要客人有口碑，平係唔夠嘅，重要佢哋食得開心。」為了增加火鍋的吸引力，酒樓以自助餐加火鍋形式推出，除了有任點的火鍋，更加設一系列中西自助餐，實行任人食個夠。「一般酒樓用28蚊做火鍋加自助餐，都係個蝕本價，但我哋集團有幾間酒樓，同時推出呢種任食火鍋，利用大量入貨減低成本，保持收支平衡，真正可以賺嘅就只係茶芥嘅小費。」
「單係推出28蚊任食，客人心理上會覺得『值』，但要畀人覺得超值，就要花一啲心思……所以特別請咗精於做皇帝御用點心嘅師傅，炮製有特色嘅小食，再喺甜品上落工夫，例如推出龜苓膏同燉蛋咁。」
林指出由材料到製法都是依照傳統，所以他經常忠告客人一定要試齊御用點心，因為火鍋料隨時隨地也吃到，但這些點心就非常少有。
6:00先食新鮮出爐的乳豬、雞、鴨和強勁推介的椒鹽蝦；
6:15開始點火鍋料；
6:20必食仙人酥、皇妃專用的杞子紅棗糕、一品官專用的海帶糕等御用點心；
6:30開始食火鍋料，魚滑和鮮鯪魚球是搶手火鍋料，這個時候還未飽就要再點；
7:00可吃蜜汁雞翼和特製小蛋撻作中場休息；
7:30休息過後再食，今次可以大量吃菜，經理話最搶手是小白菜和唐生菜；
8:30吃甜品時間，可以揀選燉蛋，因成本較貴；
9:00最後試埋碗防肺炎龜苓膏，捧腹埋單。