「唔通一食飯就搞嘢呀」
向太力撐柏芝、東東緣未盡

張栢芝為避談與陳曉東復合傳聞，前晚出席新片《絕種好男人》首映時，拒絕接受傳媒訪問，但一向甚疼錫栢芝的向華強太太陳嵐則表示，東東與栢芝再見亦是朋友，復合與否還看緣份。她還說：「任何男女唔可以一齊食飯㗎咩？一食飯就搞嘢呀？」

張栢芝、任賢齊、李珊珊、劉愷威和向華強太太陳嵐前晚在會展出席《絕種好男人》首映，栢芝父親鬍鬚勇及兩位弟弟張栢文、張豪龍亦有捧場。栢芝手戴鑽石表及鑽石戒指出現，腰帶和手袋都是啤牌圖案，十分特別。

「唔通咁絕情咩？」
早前有雜誌報道栢芝和舊男友陳曉東秘密復合，前晚栢芝透過助手表示不接受訪問，其助手說：「栢芝話知大家想問乜，所以唔做訪問，雜誌話佢又撻着，佢乜都唔撻，只識撻屋企個熱水爐啫。」
雖然栢芝拒絕親自回應緋聞，但一向疼錫她的向太卻為她說話，向太搖着頭說：「任何男女唔可以一齊食飯㗎咩？一食飯就搞嘢呀？我唔理㗎喇，佢哋再見亦是朋友，唔通栢芝咁絕情咩？」問她可贊成栢芝與陳曉東復合？向太說：「冇乜贊唔贊成，講緣份啦，佢哋係朋友不嬲都有聯絡，用吓常識啦。」報道指栢芝與東東撞車，向太說：「唔係，有冇相呀？不過有相都可以係合成。」

小春打聽緋聞
而陳小春昨日到尖沙嘴錄歌時，被問到傳聞其緋聞女友栢芝與東東復合，他說：「係咩？係就恭喜佢哋囉，男女我都恭喜。」問小春傳聞是否屬實？他說：「唔知呀，問番佢哋啦，或者我打去問呀，包喺我身上，我打畀文雋先啦。」報道指東東與栢芝撞車，小春聞言則說：「吓，又撞車？我揸車不嬲又慢又醒，所以對撞車係無法理解。」
此外，有雜誌報道栢芝與劉德華拍攝電影《健美先生》時不和，昨向太在電話中憤怒地說：「根本華仔同栢芝冇不和，嗰本雜誌成日作嘢，呢間雜誌嘅老闆楊受成又話控制唔到班記者，我都唔想楊受成再為呢本雜誌損害自己聲譽，得失晒天下人。」
採訪：魯萍、攝影：何國豪