手機與時裝已經漸漸融為一體，換機殼、改閃燈，無非都係想襯番套衫兼突出個人風格，有見及此，西門子就索性打正旗號推出「時裝手機」，將手機化成時裝一部份，因而設立獨立品牌XELIBRI，並一口氣推出四部破格手機，飛甩天線更飛甩鍵盤，用嚟襯衫夠晒Trendy，拎出街更加惹來絕高收視率。
記者、攝影：劉耀祥
ImageGirl：Carrie
一系列XELIBRI分別分為1至4號，當中以3號外形最為破格，為方便貪靚女士可以將手機掛上身，索性將鍵盤都飛甩，將機身重量濃縮至只有55g，成為四部中最輕的一部，亦都是首部沒有鍵盤的手機。沒有鍵盤，除了可利用上下掣輸入數字打出電話外，聲控就成為相當重要的功能。3號亦必須使用Handsfree，所以隨機附有類似醫生聽筒的膠頸圈，Handsfree就插在頸圈後方，神不知鬼不覺。
XELIBRI3號以輕巧為大前提，所以現時手機大熱之彩芒和弦等功能當然欠奉，不過亦都支援EMS及SMS，睇Message當然冇問題，之但係無鍵盤要輸入文字就有啲難度，要靠上下掣選擇英文字母，逐個逐個揀出嚟，比一般手機的輸入難度大增。為了遷就輕巧機身，3號另一特色乃內置電池，用家不能拆出電池，通話時間就長達240小時，相當長氣。廠方為防Hang機等情況出現時，用家不能取出電池重新啟動手機，機背特別設有Reset孔，在手機上可謂相當少見。
XELIBRI1號、2號及4號在外形各有特色，以Keypad及螢幕突顯每部機的個性，其中以1號的螢幕最為特別，有如摩記V70般以反白字體顯示，在手機中較為罕有，啱晒唔同口味及衣着風格的用家。3部XELIBRI在功能上就大同小異，同樣備有和弦及EMS功能，通話時間亦高達240小時。今次四部XELIBRI只是展示機，暫時並未公開發售，其官方網頁亦已經開始接受預訂，不過暫只限於歐洲地區，將來亦會於歐洲時裝店發售，貫徹「時裝手機」風格！
四部中最傳統，鍵盤以軟膠製造，手感相當好，會發出橙色光。
聲效：和弦
重量：65g
功能：EMS
199歐元約港幣$1,725
鵝蛋形機身，鍵盤分列兩旁，初上手絕對要時間才可熟習。
聲效：和弦
重量：75g
功能：EMS
229歐元約港幣$1,986
不設鍵盤，令機身體積大幅縮小。
聲效：單軌聲效
重量：55g
功能：EMS/聲控
399歐元約港幣$3,460
與2號同樣鍵盤兩邊飛，但外形就較為硬朗。
聲效：和弦
重量：75g
功能：EMS
275歐元約港幣$2,384
查詢：23880444(衞訊電訊)
地址：旺角西洋菜南街1A百寶利商業中心地下1號舖
產品網址：