屯門醫院護士劉永佳殉職，好多人都十分傷心，當中包括身為醫護人員嘅議員麥國風。噚日立法會動議辯論感謝全港醫護人員，麥國風情緒異常激動，甚至淚灑當場，在場不少記者都好意外。
麥國風一開口就話要默哀三十秒，點知立法會主席范徐麗泰執正嚟做，話雖然好理解佢嘅心情，但根據規矩唔可以讓議員做發言以外嘅行動，麥國風仍然死撐，話范太說話時間都差不多三十秒，佢已經默哀完。
阿麥之後表現得仍然好傷心，發言不時哽咽停頓，到佢攞條手巾抹眼之際，電視鏡頭一轉，影住楊永強局長，佢當時嘅表情真係一絕，一手托腮，嗰身挨埋一邊，一臉不耐煩。
傳真︰2623-9278
電郵︰