近年有不少明星進軍飲食業，但本港近月飽受經濟萎縮及非典型肺炎影響，明星亦一樣遭殃。佘詩曼及安德尊年前投資的「龍珠日本料理」已經關門大吉，安德尊更坦言開業兩年從未賺過錢，而鄧兆尊的「楚留香酒樓」，亦面臨結業的厄運。
本港近期飽受非典型肺炎擴散的影響，市道不斷下滑，早年不少明星進軍飲食業，但現時明星效應亦難抵擋不景氣候，生意額大不如前。
佘詩曼及安德尊於兩年多前，與幾位圈外股東合資經營位於佐敦的「龍珠日本料理」，去年下旬該店一度傳出拖欠租金的消息，而數月前「龍珠日本料理」因生意不景結業，店舖亦已頂讓，目前龍珠的舊址已變為「銀菱日本料理」。
昨日本報致電安德尊，他在電話中說：「舊年間舖話唔交租之後冇耐，我就退咗股啦，但我哋就畀足員工薪水，冇爭佢哋一分一毫。後尾間舖做多八個月，結果都係經營唔到，『龍珠』開咗成兩年，我都未賺過錢。」
阿佘昨日在電話中亦說：「市道咁差，我又冇時間打理，所以就冇做。自己試過做生意，就當係吸取經驗，𠵱家各行各業都難做，我都係努力拍戲好啲。」
而安德尊與周秀蘭合資、位於時代廣場的「寶光素食」，暫停營業一周後，將會在今日重開，安德尊說：「早排我哋間舖樓下話有人患咗非典型肺炎，啲人都唔上嚟，納空租重要蝕人工就好傷，所以咪停一個禮拜囉，當係迷信趕走衰氣啦，間舖今日就會開番，我諗下半年應該會好番。」
至於由鄧兆尊及鄧兆榮打理、位於筲箕灣的「楚留香酒樓」，同樣受到非典型肺炎影響而暫停營業，鄧兆榮昨日在電話訪問中表示，酒樓會到下月一日復工，若生意欠佳，不排除結業。
鄧兆榮說：「呢排啲生意好差，我哋有百幾個員工，淨係出糧都成八十萬一個月，我哋撐到就撐，但支撐唔到嘅話，唔排除考慮結業。」此外，黃澤鋒在尖沙嘴開設「麻辣小喇叭」火鍋店，生意方面也受市面蕭條的大氣候影響，昨日他在電話中說：「生意就梗係有影響啦。」
採訪：朱芷瑩、陳月媚
