韓劇《愛上女主播》女主角蔡琳，前日終於透過經理人公司宣布，將會同歌手男友李承煥定咗今個月二十四號喺漢城新羅酒店舉行婚禮，我羅拉都戥佢哋開心呀。不過李承煥籌備緊演唱會，蔡琳又拍緊劇，所以佢哋應該要遲啲先可以度蜜月喇。而婚後佢兩個都會繼續發展演藝事業，結婚對佢哋唔會有影響。