MaggieQ昨日以代言人身份，出席在中環舉行的Lancel新系列發布會。在非典型肺炎肆虐下，香港人到其他國家備受掣肘，但MaggieQ則透露獲Lancel邀請到法國遊玩。而到場的嘉賓中，精於占卦的馬桂芳表示非典型肺炎在五、六月會減弱。
法國品牌Lancel推出全新Amelie系列，代言人MaggieQ昨日在中環Dragon-i示範全新手袋及風褸等，藝人韓君婷、名模陳嘉容和大生銀行後人馬桂芳等均有出席，還獲贈全新手袋。
全新的Amelie系列以一幅源自四十年代、手繪的法國舊地圖為主要圖案，一派童真。MaggieQ一身春裝到場，與Lancel高層談笑風生，更賣花讚花香說：「呢個系列好啱我嘅風格，alotoffun，而且好時尚同年輕。」
非典型肺炎橫行，香港人出外掣肘多多，但MaggieQ仍獲Lancel邀請到訪其法國總部，她興奮地說：「我做咗三年代言人，Lancel請我夏天去巴黎玩同埋參觀，我對上一次去係同Daniel（吳彥祖）。法國好浪漫，我好期待。」
法國人浪漫熱情，問MaggieQ怕不怕擦出愛火？她說：「唔會喇，我唔鍾意鬼佬，我係夏威夷人，陪我成長嘅都係亞裔人，我同黃皮膚合拍啲，我喺鬼佬面前冇吸引力。」問現時可有拍拖？她則不置可否，只表示以工作為先。
此外，大生後人馬桂芳精於占卦，她預測非典型肺炎會遠離香港，她說：「應該五、六月會改善，但唔會完全消失，到年底左右啦，八月香港運程會上升番。」
採訪：RitaLeung
攝影：ChenWaiOn
