陳煒有份投資的「變靚D纖體美容中心」昨日在銅鑼灣開設分店，她的圈中好友都到來捧場，包括羅嘉良、陳加玲、黃伊汶、林小明夫婦、鄭則仕夫婦、蕭若元夫婦、江欣燕及任葆琳等，陳煒身為老闆娘當然是滿場飛，忙於招呼來賓。
問到陳煒投資了多少？陳煒說：「我投資咗我嘅青春同時間囉！」而陳加玲昨日以低胸裝示人，當記者與她傾談時，她即不吐不快，對於政府未能控制非典型肺炎及未能盡力幫助醫護人員極不滿，她說：「我好多朋友都係做醫護人員，呢件事最好笑係佢（董趙洪娉）着咗套咁嘅衫去探人，不過都要多謝佢，唔係佢，啲醫護人員都唔會有咁好嘅保護衣物着。」
但問到關於去世的寶詠琴，她則說：「呢個問題我唔想講，唔好意思。」
採訪：胡比
攝影：陳慧安
