堪稱係姿整一族嘅籮霸珍妮花洛庇絲（JenniferLopez），最近諗住用銀彈政策，高薪挖KylieMinogue嘅御用化妝師CarolineBarnes過檔。無他嘅，籮霸想將自己個籮，整到好似Kylie嗰個一樣咁靚嘛！好可惜係，籮霸個躉不嬲都係Kylie嘅取笑對象，就連Kylie個化妝師都不屑同籮霸合作，今次籮霸可謂瘀到爆！
據聞籮霸一直識英雄重英雄，好欣賞Kylie嘅索女形象，為咗撬走Kylie嘅化妝師，籮霸最近出雙倍人工，希望化妝師Caroline過檔幫佢扮靚，幫佢塑造一個前衞古銅look。但係我羅拉聽聞擁有靚躉嘅Kylie，原來好頂唔順籮霸嘅巨躉，佢重私下同啲老友講：「我覺得J.Lo個躉好恐怖！」
可能受到Kylie嘅薰陶，化妝師Caroline亦誓死唔幫籮霸個躉化妝，佢重寸到叫籮霸搵過第二個化妝師幫手喎！如果自信心同個躉一樣咁大嘅籮霸聽到呢番說話，肯定會激死！