雖然𠵱家香港人嘅消費意欲低迷，但MiniCooper代理大展拳腳嘅計劃卻無變，佢哋緊貼寶馬位於九龍土瓜灣嘅陳列室同維修大樓，裝修工程經已進行得如火如荼；早幾日，亞Mark經過開九龍城，重走到去未完工嘅Showroom逛逛㖭！原來內部裝修係跟足車廠規格，跟早前亞Mark前赴位於德國慕尼黑嘅MiniCooper總部，可謂同出一轍，富Mini特色之餘重好有個人風格㗎！以目前MiniCooper響本地嘅累積銷量，能夠擁有自己獨立陳列室同維修大樓，真係令唔少人既羨慕又妒忌呢！如果你係Mini嘅Fans，想睇吓個新陳列室有幾正的話，只要耐心多等一會就可以喇！皆因據亞Mark所知，呢所Mini嘅香港新總部，大概喺5月中旬就開幕㗎喇！