擁有驕人上圍的朱茵及李蘢怡（Tiffany），昨天出席新網劇《男女字典》的記者會，大會還請了三位猛男晒肌肉助興，但仍以穿上低胸裙的朱茵最搶鏡。而電訊盈科基建主席、前藝人梁婉靜的丈夫李智康更親自向朱茵介紹示範單位，照顧十分周到。
朱茵、李蘢怡、陳曉東、Shine及杜汶澤等，昨日在貝沙灣出席網上劇《男女字典》的記者會，該劇將於now.com.hk中播出。
三圍分別是33B、22、33的朱茵及36D、25.5、36的Tiffany，昨日均以吊帶裝出席，不過以朱茵最搶鏡，連電訊盈科基建主席、前藝人梁婉靜的丈夫李智康亦對她特別照顧，除主動問朱茵的英文名外，還帶她看示範單位，而大會亦安排了三位身形健碩的猛男穿上三角褲現身。
朱茵與Tiffany在劇中有大膽演出，朱茵說：「我飾演一個設計性玩具嘅人，重叻到去參賽。試過有次好難得阿Paul（黃貫中）探班，點知我拍嗰幕係我抹緊啲性玩具，之後我問佢有冇事，佢都話難得嚟探班就見到嗰幕。」而Tiffany則說：「我嘅角色好姣，而且要着好多性感嘅靚衫，好彩𠵱家減咗十磅。」
此外，陳曉東與杜汶澤在劇中飾演同性戀情侶，對於有雜誌指東東與舊愛張栢芝復合，他說：「唔會，我同佢都唔會咁樣，做朋友嘅呢一世都會係朋友。其實任何新聞都唔會影響我對身邊朋友、女朋友同屋企人。」言下之意東東即有新戀情？他想了一會說：「唔需要為一單新聞而公開我嘅私人生活，𠵱家我生活好好，有冇女朋友我都唔會公開。」
而杜汶澤則笑謂拍完一段被男演員摸大腿的鏡頭後，令他有很想回家見女友的感覺，他說：「好似張國榮喺《金枝玉葉》入面懷疑係同性戀，佢即刻返屋企搵劉嘉玲。我好驚，好想即刻搵大塊田（女友田蕊妮）驗吓。」
採訪、攝影：王連連
